محمد الطيب الأمين يكتب: وين بسمتو الضواية والضحكة ديك وين سيدا ؟؟

يوم (الخميس)

وين بسمتو الضواية والضحكة ديك وين سيدا ؟؟

يوم (الخميس) عندنا هو مميز أكثر من (السبت) و(الأربعاء).
محبتنا للخميس بدأت منذ أيام الإبتدائي فهو (يوم وقفة) تعقبه إجازة (الجمعة).
الإجازة (الجمعة) لكن نحن بنحب (الخميس).
محبة (الخميس) كِبرت معانا.
ولعلها هي المحبة الوحيدة التي لم تتغير مع الأيام.
محبتنا للخميس لم تُغيرها (الثلاثاء ولا الأحد).
أظن أن بقية الأيام (بتغِير) من الخميس.
اليوم تذكرت تفاصيل الخميس في الخرطوم.
الخرطوم وما أدراك ما الخرطوم.
زحمة الكبري.
أزمة المواصلات.
ستات الشاي.
غسيل الملابس.
شارع النيل.
حركة الناس النشطة.
السمك.
باكمبا حوش النيلين.
ست الكِسرة.
صينية السوق المركزي.
حبيبي مفلس.
إستاد الهلال العظيم.
منظر التلاميذ في الشوارع .
صوت طه سليمان طالع من صالة الغروب.
صينية بري.
دلالة الصحافة.
موقف جاكسون العصر.
إنصاف مدني في إسبارك ستي.
شارع الدكاترة.
بنات الرِباط.
زحمة سوق اللفة.
نسوان الطواقي في (ضل عمارة الدهب).
أستوب المؤسسة.
عمارة السلام.
شارع المطار.
سوق أم درمان.
حِنة الخميس.
طبعاً الجمعة (يوم الزفاف) في السودان غالباً.
والخميس الحِنة الكبيرة.
الضبيحة الخميس.
لمة الأهل بتبدأ الخميس.
الصيوان (بندقو) يوم الخميس.
مُلاح الشرموط بتعمل ليل الخميس.
حاجات العروس الناقصة بتموها الخميس.
وغالباً بتموها من سوق ليبيا.
وربما سعد قشرة.
خالاتنا وعماتنا وأهلنا بيجونا بالجملة يوم الخميس .
ما بالقطاعي.
بالهايس والأمجاد.
6 شهور الخرطوم بدون خميس.
لا حِنة عريس في أم درمان ولا زغرودة في بحري ولا ضبيحة في الخرطوم.
الخرطوم حالياً تعيش بدون أيام.
هي في ذمة السكارى والحيارى والرباطين.
متين يعود الخميس للخرطوم؟؟؟
(طقش) أضاني صدفة صوت ثنائي العاصمة واثار فيني شجون ودموع هذا بعض منها :
طول مفارق حيو ياخوانا كيف وازيو
من يوم فراقو ديارنا ماشفنا زي زيو
زولاً حنين زي زولنا
والله ما بتخلا
والحي مصيرو يلاقي طال
الزمن أو قلا
كانت قلوبنا تغني لو جانا يوم او طلا
يا حليلو شال أفراحنا
مسخ علينا الحلة
حرام عليك يا زمان تحرم قلوبنا جديدا
وعيونا يوم العيد ما تلقي نورا وعيدا
وين بسمتو الضواية والضحكة ديك وين سيدا
محمد الطيب الأمين.

عندنا هو مميز أكثر من (السبت) و(الأربعاء).
محبتنا للخميس بدأت منذ أيام الإبتدائي فهو (يوم وقفة) تعقبه إجازة (الجمعة).
الإجازة (الجمعة) لكن نحن بنحب (الخميس).
محبة (الخميس) كِبرت معانا.
ولعلها هي المحبة الوحيدة التي لم تتغير مع الأيام.
محبتنا للخميس لم تُغيرها (الثلاثاء ولا الأحد).
أظن أن بقية الأيام (بتغِير) من الخميس.
اليوم تذكرت تفاصيل الخميس في الخرطوم.
الخرطوم وما أدراك ما الخرطوم.
زحمة الكبري.
أزمة المواصلات.
ستات الشاي.
غسيل الملابس.
شارع النيل.
حركة الناس النشطة.
السمك.
باكمبا حوش النيلين.
ست الكِسرة.
صينية السوق المركزي.
حبيبي مفلس.
إستاد الهلال العظيم.
منظر التلاميذ في الشوارع .
صوت طه سليمان طالع من صالة الغروب.
صينية بري.
دلالة الصحافة.
موقف جاكسون العصر.
إنصاف مدني في إسبارك ستي.
شارع الدكاترة.
بنات الرِباط.
زحمة سوق اللفة.
نسوان الطواقي في (ضل عمارة الدهب).
أستوب المؤسسة.
عمارة السلام.
شارع المطار.
سوق أم درمان.
حِنة الخميس.
طبعاً الجمعة (يوم الزفاف) في السودان غالباً.
والخميس الحِنة الكبيرة.
الضبيحة الخميس.
لمة الأهل بتبدأ الخميس.
الصيوان (بندقو) يوم الخميس.
مُلاح الشرموط بتعمل ليل الخميس.
حاجات العروس الناقصة بتموها الخميس.
وغالباً بتموها من سوق ليبيا.
وربما سعد قشرة.
خالاتنا وعماتنا وأهلنا بيجونا بالجملة يوم الخميس .
ما بالقطاعي.
بالهايس والأمجاد.
6 شهور الخرطوم بدون خميس.
لا حِنة عريس في أم درمان ولا زغرودة في بحري ولا ضبيحة في الخرطوم.
الخرطوم حالياً تعيش بدون أيام.
هي في ذمة السكارى والحيارى والرباطين.
متين يعود الخميس للخرطوم؟؟؟
(طقش) أضاني صدفة صوت ثنائي العاصمة واثار فيني شجون ودموع هذا بعض منها :
طول مفارق حيو ياخوانا كيف وازيو
من يوم فراقو ديارنا ماشفنا زي زيو
زولاً حنين زي زولنا
والله ما بتخلا
والحي مصيرو يلاقي طال
الزمن أو قلا
كانت قلوبنا تغني لو جانا يوم او طلا
يا حليلو شال أفراحنا
مسخ علينا الحلة
حرام عليك يا زمان تحرم قلوبنا جديدا
وعيونا يوم العيد ما تلقي نورا وعيدا
وين بسمتو الضواية والضحكة ديك وين سيدا